Selfoss-Karfa hefur samið við Bandaríkjamanninn Julius Brooks um að leika fyrir félagið í 1. deild karla á komandi tímabili. Brooks er 27 ára gamall, 206 sm (6’9″) öflugur framherji með töluverða reynslu af atvinnumennsku utan heimalandsins.
Brooks lék frá 2009-2013 með Loyola University í Maryland, sem er D1 skóli, en hefur síðan spilað m.a. í Þýskalandi, Mexikó, Eistlandi og Lettlandi. Til Íslands kemur hann síðsumars í topp leikformi frá Ástralíu.
Vonandi nær leikmaðurinn að setja mark sitt á 1. deildina og hjálpa Selfossliðinu að bæta árangur sinn frá síðustu tímabilum. Tenglar á valda kafla frá ferli Brooks eru meðfylgjandi: