Unglingaflokkslið Selfoss/Hrunamanna/Hamars mætti Fjölni sl. sunnudag í Gjánni. Eftir að hafa unnið Fjölni í Grafarvoginum fyrr í vetur með flautukörfu frá miðju var ljóst að Austan-Fjallsdrengja beið krefjandi verkefni – og því miður reyndust gestirnir of góðir utan þriggjastigalínunnar á sunnudaginn fyrir heimamenn og færðu sig með sigri upp í annað sæti deildarkeppninnar.

Heimaliðið byrjaði þó vel og náði snemma forystunni með ágætum varnarleik, leiddi 19-16 að loknum fyrsta leikhluta. Annar leikhlutinn var alger andstæða, Fjölnir, með nokkrar af bestu skyttunum í þessum aldursflokki, fékk of mörg opin þriggjastigaskot og að auki of mikið af sóknarfráköstum sem gáfu körfur. Liðið sallaði á okkur 27 stigum í fjórðungnum og munurinn orðinn óþægilega mikill.

Í þriðja hluta sýndi heimaliðið nokkur merki þess að ætla að komast inn í leikinn aftur og gera atlögu að sigri, náði muninum nokkrum sinnum niður í 3 stig. En í lokin vantaði staðfestu bæði í sókn og vörn til að sá draumur rættist, Fjölnismenn héldu haus og unnu 71-78.

Bestir okkar manna voru Alex Gager með 17 stig, 13 fráköst og 3 stoðsendingar og Kristijan Vladovic með 18 stig, 4 fráköst og 4 stoðsendingar.

 

Selfoss/Hrunamenn/Hamar 71 – Fjölnir 78

After narrowly beating Fjolnir a few months ago with a half court buzzer beater, we knew this would be a challenging game. Unfortunately Fjolnir proved to be too good from long distance Sunday night to advance to second place in the league.

A good first quarter by Selfoss/Hrun/Ham gave them an early 3 point lead 19-16, behind some strong defense. The second quarter was the opposite, giving up 27 points becuse of too many open 3’s to some of the best shooters in this age group. Along with many second chance Fjölnir points created a large gap.

The third and fourth quarters Selfoss/Hrun/Ham showed signs they’d come back and win getting it down to 3 points a few times. But too many mental errors at both ends of the floor led to Fjölnir closing the game 71-78.

Players of the game: Alex Gager 17 points, 13 rebounds, 3 assists Kristijan Vladovic 18 points, 4 rebounds, 4 assists